Нэвтрэх хэсэг

Хайлт

Main » 2011 » March » 3 » “Big Bowling tour-2011” тэмцээний удирдамж
8:05 AM
“Big Bowling tour-2011” тэмцээний удирдамж
Монголын Боулинг
Сонирхогчдын холбоо

“Big Bowling tour-2011” тэмцээний удирдамж
Улаанбаатар хот
Зорилго

Энэхүү тэмцээн нь боулинг сонирхогчдын тоог нэмэгдүүлэх, эрүүл мэнд, амралт чөлөөт цагийг зөв боловсон өнгөрүүлэх, боулингийн спортыг сурталчилах, байгууллага хамт олны дунд нөхөрсөг, дотно уур амьсгалыг бүрдүүлэх, клубын системийг хөгжүүлэх, клубын тамирчдын ур чадвар, чансааг дээшлүүлэх, олон улсын чанартай тэмцээнүүдэд тамирчдыг бэлтгэхэд дэмжлэг үзүүлэх зорилготой билээ.
Тэмцээн явуулах журам, тэмцээнд оролцох багийн бүрэлдэхүүн, хугацаа, байр талбай

• Журам:

Тэмцээнд оролцох нэг багийн эрхийн төлбөр 75.000 /далан таван мянган/ төгрөгийг урьдчилан тэмцээн эхлэхээс 3 хоногийн өмнө тэмцээн зохион байгуулагчдад заавал\бэлнээр\ тушаасан байна. Тамирчид өөрийн байгууллагын үйл ажиллагааг илтгэсэн жигд тамирчны нэр, ивээн тэтгэгч байгууллагын лого бүхий хувцастай байх ба жинсэн өмд,биеийн тамирийн өмд болон ханцуйтай цамцтай орохыг хориглоно. Тэмцээнд оролцож буй клуб болгон өөрсдийн клубын онцлог болон ивээн тэтгэгч байгууллагын онцлогийг харуулсан тугтай байна.\150:100см\

Тэмцээн нь тойргийн журмаар явагдах бөгөөд финалын шатны тэмцээн хүртэл 3-н тойрог тоглолт хийнэ.
Багууд сугалаа сугалан ямар багтай тоглохоо шийдэх ба хожсон баг 3 оноо хожигдсон баг 1 оноо тус тус цуглуулна. Нийт 3 тойргийн туршид нэгч хожигдолгүй явсан баг нийт 81 оноо цуглуулах боломжтой.
Тоглолт эхлэхийн өмнө багууд аль зам дээр тоглохоо сугалах ба дараагийн тоглолтноос баруун тийш нэг зам шилжин тоглолтоо гүйцэтгэнэ. Тухайн багийн аль нэг тамирчин цагтаа ирээгүй тохиолдолд 30 минут хүлээх ба ирээгүй тохиолдолд нөгөө багийг хожсонд тооцож 3 оноо тухайн тамирчин ирээгүй багийг хожигдсонд тооцож 1 оноо өгнө.
Техникийн зөвлөгөөн дээр багийн ахлагчдаас 3 хүнийг техникийн комиссоор сонгох бөгөөд техникийн комисс нь тэмцээн эхлэх өдөр 30 минутын өмнө хүрэлцэн ирж зам болон тослолтын байдлыг шалгах үүрэгтэй. Тэмцээн эхлэхээс өмнө зам тослогдсон байх ба 2 тоглолтын дараа замыг дахин тослоно.
МБСХ-оос томилогдсон шүүгчээс тухайн тэмцээнд оролцож буй тамирчин 3 удаа\бүтэн хөлөөрөө\ золиос хэтэрлээ гэсэн сануулга авсан тохиолдолд тухайн багаас 30 оноо хасна.
Тэмцээнд оролцож буй багуудын оноо тэнцсэн тохиолдолд 1 хүний тоглолтон дээр\20 бөмбөг\ тус багийн 5 тамирчин ээлжлэн шидэж аль өндөр оноо авсан багийг хожсонд тооцно.

• Багийн бүрэлдэхүүн
Тухайн клубын 1 багт дээд тал нь 7 тамирчин байж болох ба тоглолтонд 5 тамирчин оролцоно. Тухайн эхэлсэн тоглолт дууссан тохиолдолд сэлгээний тамирчин орж болох бөгөөд тоглолт дунд солигдох болон багаас багт шилжихийг хориглоно. Баг тус бүр багийн ахлагчтай байх бөгөөд тухайн өдөр багийн ахлагч байхгүй тохиолдолд ахлагчийн орлогч заавал байна. Ямар нэгэн асуудал болон маргаан гарсан тохиолдолд шүүгч зөвхөн тухайн багийн ахлагч болон орлогчтой уг асуудлыг харилцан зөвшилцөж маргаан болон асуудлыг шийдвэрлэнэ. Шүүгчийг Монголын Боулинг Сонирхогчдын Холбооноос томилно

• Хугацаа

“Big Bowling tour-2011” тэмцээн нь 3 сарын 5-нд эхлэх бөгөөд 3-н тойрог тоглолтууд явагдсаар 2011оны сүүлээр Финалын шатны тэмцээн явагдах болно.

Жич: Тойргийн тоглолт дуусах бүрт түрүүлсэн багт цом болон мөнгөн шагнал дагалдана. Мөн тойргийн тоглолт дуусах бүрт хамгийн өндөр оноо авсан тамирчин болон хамгийн өндөр оноо авсан багийг шалгаруулж урамшуулна.

Тэмцээн 10 зам бүхий олон улсын стандартын шаардлага хангасан “Big Bowling” төвд зохион байгуулагдана.

I. Техникийн зөвлөгөөн, бүрдүүлэх материал

Тэмцээнд оролцох баг тамирчдын сугалааг 3 сарын 2-нд 19:00 цагаас зохион байгуулна. Тус тэмцээнд оролцох баг тамирчид багийн нэгдсэн мэдүүлэгээ эцсийн байдлаар болон тэмцээний хураамжаа авчирах ба асууж лавлах зүйл байвал 8800-1188/Д.Амьбөх/, 8811-1199/С.Баярхүү/ нартай холбогдоно уу.

Жич: Хаяг: УБ хот, ХУД, 2-р хороо, Чингисийн өргөн чөлөө-2, Мишээл экспо төв /Хуучнаар Таван-Эрдэнэ зах/

ТЭМЦЭЭНИЙ ЗОХИОН БАЙГУУЛАГЧ:

Монголын Боулинг Сонирхогчдын Холбоо “Big Bowling” төв
Утас 88 11 11 99 Утас 34 08 08

Category: Боулинг | Views: 605 | Added by: lucas | Rating: 0.0/0
Total comments: 0
Only registered users can add comments.
[ Registration | Login ]

Social bookmarks

хуанли

«  March 2011  »
SuMoTuWeThFrSa
  12345
6789101112
13141516171819
20212223242526
2728293031

Холбоотой сайтуууд

Статистик


Нийт онлайн: 1
Зочид: 1
Хэрэглэгч: 0